Zojuist is in de Hamar onze hoogheid 2026: Prinses Emma I uitgekomen. Onderstaand stelt ze zichzelf even voor:
Leef Belhamels en Belhamelinnekes,
Wie sjiek det ich dit jaor as KOW prinses meug veurgaon.
Op ‘nne regenechtige zóndig in november vraoge pap en mam of ich efkes beej eur wól kómme zitte. Zeej hadde dreej chocolaatjes (roeëd, geel en greun) klaorgelag en vraoge of ich ein groeët geheim kós beware. Ich dach det zeej mich ginge vertelle det ich ein van de vief houfrolle had beej de KOW. Maar toen zeej vertelde det ich as prinses waas oetgelaot sjting ich in veur en vlam.
Vastelaovend viere doot ich al 11 jaor. Toen ich ’n half jaor aad waas, ging ich al mei in de Belvendse optoch as ‘kiendje kieke’ van Suus en Rene. Inkele jaore daonao woort `Alles is Femilie` opgerich en mèt dees gezellige club viere weej al hieël get jaore vasteloaovend in Belvend.
In miene vreje tied bön ich vuuel op de manege te vinge, want paerdrieje is mien groeëte hobby. Verder sjpraek ich hieël vuuel aaf mèt mien vriendinne, waomei ich ore lang kèn sjpeule en tutte mèt make-up.
Naodet mien pap en mam vurrig jaor boerebroedspaar ware en mien broor Daan adjudant beej de Kwas waas, is ‘t dit jaor aan mich öm gans Belvend in veur en vlam te zette.
Ich heb d’r ontzettend vuuel zin in öm same mèt uch ein fieësje te bouwe!
Prinses Emma I
De receptie van prinses Emma I is op zaterdag 7 februari in de Hamar van 17:30 uur tot 19:00 uur.
